اهدائات شعرية للشخص الي ابالك

[ياسر المهندس]

مرحبا حبايب

الموضوع مو غريب عليكم

وماشفت موضوع بهذا القسم

بنف هذا الشي

كل الي راح تكتبه

كل ما تريد تهدي شعر لشخص ابالك

تجي تكتبة هنا

ومو شرط شعر

ابوذية

دارمي

زهيري

ومضة

كله هنا

وانشاء الله تتفاعلون وية الموضوع

تحياتي

ياسر المهندس

[ياسر المهندس]

اول واحد اني

اهدي للي ابالي

طيــــــــن حـــــــري
تعال امسح ادموعك وارسم افراح
على اعيونك وخدك والشفايف
ومعليك بحزن ذيچ المواضيع
وراح اختارلك احلا السوالف
واعرفني وبعد لا تعرف الناس
وانه وياك انساها الطوايف
ومعلينه بعد بالرايح وجاي
ومعلينه ولو بس ابقه خايف
اخاف اعليك من عين اليحسدوك
ومن اعيون تجار العواطف
يا بو اشراع الترف يمهجج الريح
اضمك وين من عين العواصف
تعال بروحي ابدلك شلي بالروح
اجازف بيه وبيك وما اجازف
اشگد شايف عشگ واحبابنه هواي
بس مثلك عشگ صدگ مشايف
درب تفكيري كثره البيه يمرون
ولگيتك بالدرب بس انت واگف
وشغلت الفكر كله وصرت موضوع
وانت بهل الامر ما انته عارف
وگلت لل روح احبك والگلب گال
ما كو اشكال عدنه وما يخالف
وانه الصادگ بحبك واحلفت بيك
بطولك بالوجه بالعشگ حالف
وميلادك محبتك صارت اليوم
يضل كل يوم ميلادك يصادف
يابو نضرة التكتل انت معذور
اذا تكتل بشر لتگول اسف

[MiSs~ّDaLA]

الموضوع كلش حلو عاشت ايدك .........او اهدي لشخص الي بالي [moveo=down]غالي انت اشون اوصفك عطري انت ما اغيرك روحى انت اصير اكطعك[/moveo]

[HaRiTh]

موضوع حلو حبي ياسر

عاشت ايدك

و ان شاء الله يتفاعلون وياك الاعضاء

و بس اريد اهدي شي اجي اكتبه ان شاء الله هنايه

تحيتي

[روزاليتـــــا]

[align=center]موضووع كلش حلووو

عااشت ايدك يااورد







أحذرك لاتحبني اتكلي يهواي.......وبعد شتفيد وياي التحاذير

اذا انته ابدليلي وعايش وياي........مثل باب وتثبتهه البسامير

اعوفك ليش اعوفك ونته معناي......ومن دونك اظل أبغير تفسير

ومثل عازف الناي الكاسر الناي......ومثل صبوره اظل بلا طباشير

انه بلياك شجره امفاركه الماي.......وطير بلا جنح مايكدر ايطير

ونه بليك اظل تعذرني من هاي ........مثل خشبه وتكطعهه المناشير

يانجمة فجر مبتسمه بسماي.........اذامني شفت فد يوم تقصير

بس كلي عليه أتخاصم وياي........وبيعن عمري كله بلايه تسعير

لان فضلك علي يامهجتي اهواي..........مثل فضل النهر وي النواعير

اطلب كل شي مني انطيك عيناي..........ونطيك اني كلي بدون تقصير

وظل اني احبك ونته بلواي............بس مال اني اعوفك ........





ـر ـو ـز [/align]

[MaReNzO]

هم شايف شمس تطلع بنص الليل؟
لو شايف كمر علكَاع يتمشه؟
بس انت بجمالك جامع الاثنين
الشمس وجهك بليل الشعر يتغشه
كلك على بعضك صاير انت هلال
وهلال السمه برفعة حاجب اتفلشه
كلمن كَعد يمك مايحس بالليل
مايدري جمالك هذا لوضوه الغبشه
ولو مريت يوم انت بشهر رمضان
كل صايم بوكت الظهر يتعشه

شكراً ياسر على طرح الموضوع المميز

[Love 4 Ever]

[align=center]


اكول للي ابالي (الحاضر الغائب)



بمستحاتي وهضم روحي

ولهفتي صرت آنه اجيك

يلي تدري لو طلبت الروح

بيها آنه اشتريك

بغربتي وحزن كل ليلي الطويل

وحتى وي دمعي حبيبي آنه اشتهيك

يل زرعت بروحي دنيه

شلون دنيا آنه احتويك

يا ضوه اينور غربتي

ويل بنيت اصروح وآمالي عليك

شتدري بيه بلا كلب وانسى هواك؟؟!!

انته عيني ... وحته من اغفه ..

صرت اغفه.. آنه بيك [/align]


شكرا عالموضوع الحلو

[*غزل*]

اكول للي بالي
يمن بأروع خلق شخصك تحلة
عسى ياغالي ايامك تحـــــــــلة
سؤال اسئل الك واجب تحــــلة
من هوة الاعز من روحي الية

[ياسر المهندس]

اكول للي ابالي

ورادوني مااشوفك ابد
.. ضمو تصاويرك علي
واعلنو لازم نفـــترگ

* * * *
وشالوك حتى من الحلم!!
وحلمك يجيني بلا صور
وبـلا خلـــگ

****
ولمن افز.. يبجي الحلم..
واثنينه اعله الروس نتگابل ندگ
ورادوني مااشوفك ابد..
والعين مثل ام الولد..
وانته الولد
لمن اجت ..ماشافتك ..
الجفن صار الزيج
گامت بيه تشگ

* * * *
وياحال من بعدك عشت..
غصن وخذوني من الشجر
وذبوني يم نار الهجر..
واليوم باجر احترگ!!

* * * *
وعشت بطرگ
روحي وسوادين العشگ
واسأل عليك وتيهت… واسأل منو ..
وبيمن اثق؟!!

* * * *
وانسدن بوجهي احس كل الطرق..
والگه الأسأله وكيفت
والگاهن الجلمات ويضيع الحلـگ

* * * *
وخلني اسولفلك بعد..
ياواهسي وغيرك منو؟
والروح اجت مسودنه..
واشبگهه وي روحك شبگ

* * * *
لاتبچي اطيح ويه الدمع
..والروح اسويها نفس
ومناشغ اشهگني شهگ

* * * *
وبريتك يا ريتي ولمن اصيرلك نفس
لاخنگك ولا
اختنـــگ…!!

[اليـاقـوتـه]

عاشت ايدك ياسر على الموضوع المميز
استمتعت جدا بقراءة مشاركات الاعضاء
..................


يا خاطري مايفيد الضيك والحسره
والحزن كتال لو هبت اعاصيره
لا تحسب الي جرالي في الحب كسره
الغصن عايش ولو طارت عصافيره

دمتم بالف خير